Sere su ga duna ,an na naxaanen ya
Xiisa , sere kaawadunte ,nmen ta duna
Ke ni yugo yogo ya ,a ti duna muuma sere nga na leseme foofo a dan li , i ke na a su ya tu .
Ken falle , a da komo nyeri bataaxe safa , ti i wa xayini ,komo nyeri jamaane ,sere ben da leseme keebe ,an na ri i wori , saaxen ti ,an maxa bataaxu ku xayi de ,a ti i ni xayini ya, saaxe nti an ga ni i xayi su , an ŋa n yaagun walla nin toxo bireene ŋa, yugon ti saaxen da , i ke ni bataaxu ku xayini ya, saaxen ti baasun ta a yi ,an gan ti n digaamen mukku , i deni kuŋa
Yugon nda bataaxu ku su xa yi , nan ti i ke me tuwaanan ta yi , gelli jamaane ben da leseme keebe yi tuwaaxun kaara , a na ri i banŋe i na a yaaxe bagandi,
Debe yogo yi i kaaran ŋa , yugu xase yogo kara ,na renyugu sikki toxo ,a do wullu yugu baane ,saasa lemunun leseme i ga a ñaana moxo be ,saasa i ti i na a ña koota su wullen da daga xanye ,i na a kini sere baane , koota su wulle nga na daga xanye , i na a kini sere baane , i su xoxonen ti, i ke nta ken ŋa , na tuguti i ke koota a do fonlenme nya liini , i ti n daga tuwaana ke banŋe a na wullen taxandi i soro sikki naxa ,i da killen wutu na ndaga tuwaana xoore ke sagata
Ken falle yugu xase tana xa ri faati , a xa da renyugu sikki toxo, do waxandu sikki , xa a di i taxandi saado a ga faatini , waxandi fana doorijuran yaani ken noxo , a da ken xarilenmen kini gida xoore , waxandi fillandi xottun yaani ken noxo, a da ken xarilenmen kini gidi fillandi ,waxandi sikkandi kanŋen do xalisi xullen geben yaani ken noxo, a da ken xarilenmen kini i su xoxonen ŋa, faaben ti ni i ke toxo bireyen ŋa ,seren maxa i xallen wuñi
Faaben ga faati bire be , foofo di i xallen wuñi , a wa gajanŋen giri, na tuguti doorijura xa nyaana manne , walla xotte xa nyaana manne , i xa leseme , i ti ndaga tuwaana xoore ke banŋe ,a na faaben xeyen taxandi ,i su da me xooro nan taŋi tuwaana nnoqu, i ga kiñe tuwaana nti , xa yige fina, ken falle o na a yaaxe muuru , i ti a yi o ku mari ti yigeye , o xeyen taxadi o ku wa telle
Tuwaanan ti, xa faaba ti , waxande keebe doorijuran ga a noxo ,a ti foofo ya gani soxo nyiinye , gida xoore ke ya fooni
Ken falle , waxade keebe xottun ga a noxo , a ti foofo ya gani naaburu siginte ,gida fillandi ke ya fooni
Ken falle , waxandi sikkandi , a ti foofo ya gani nabure na wutu kanŋe ,kata xaliisi xulle , xoxone ke ya fooni, saasa a toxo wullu gumun ya
Saado wullu gumun ga digaamunu ,taalibe yogo wa no , a ti xaranmoxo ,ku soro an ta yanfana i maxa , ku feti sere duuru yi de, tuwaana ma duŋe ,a ti ku nta foofo tu , i ga dangini i ke
Wullu gumun ti , i ku nŋa yigene i ga na duguta yigeyen ŋa , an na o wullen taxandi o naxa ,i su genmu ken kanma , jaaxa renyugu ku sikki sere duuru fe , tuwaanon yaani.
Kaagumen li yiganden taaxundi , i su gida xooren da logoma nwutu , a ti i ke gan taxa kanna i na ti ke yille , furungallun timen wayi , ken falle i da taalibo ntirindi, i be ga daga yille ke fatta, i ti tonŋun yaani , i da fata furungallun ya ,
Fillandin xa ga di i logoman wutu , a ti i ga ma kanu, i na ti ke yaxare be ga da yigande ke soro, i na ti a ga yigande ke sorono ken bire a ni laadan ya , i da yaxaren tirindi a ti tonŋu nyaani
I su xoxone n xa ga di i logoma nwutu , a ti i ga ma kanu i na ti ke yille kaman ni jangalenme nya , i da tuwaana ke ma tirindi a ti tonŋun yaani ,saaxen ti nda ko ni an da , in ti an na nsabari an min terinka ,lenki an faayi an yaagun baran wa , bire be an faaba ga daga tere noqu ,soodo a ga riini a dalla , ke komo yugo be ga buluŋe , a ya renme na nwa , yugon mugu do wullun xibaaren ,wullen maxa kite nan taxandi moodin wuru
Ken yaani saran digaamen ni kanŋen ya, sere su ndi i saaranon terinka man ga da a nafa nwori
- kuuñinden do o maamande nŋa katta saaranan su xa maarenme do xa menjanŋe
- denba jomon sumaare laani moodi maali
- sooninkon on duruxoto do sooninkaaxun batte sooninkaaxun me nta, sooninko xa nawaari , xa do naxaani siitiye
/fdata%2F3187759%2Favatar-blog-1113196596-tmpphpZHUpzw.jpeg){kind=avatar}